Առաջիկա օրերին օդի ջերմաստիճանը կբարձրանա՝ հասնելով մինչև +20 աստիճանի

Այսօրվանից սկսած Իրաքի շրջաններից Հայաստան են ներթափացում շատ տաք  օդային հոսանքներ և առաջիկա 10 օրերին մեր տարածաշրջանը, ամբողջ Կովկասը գտնվելու է  հարավային տաք օդային հոսանքների ազդեցության գոտում, ունենալու ենք օդի ջերմաստիճանի  շարունակական բարձրացում»,- ասուլիսում առաջիկա օրերի օդի ջերմաստիճանի կանխատեսումը ներկայացնելով՝ ասաց «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։

Նա նշեց, որ այսօրվա համեմատ՝ մարտի 6-10 ընկած ժամանակահատվածում օդի ջերմաստիճանը Հայաստանի ողջ տարածքում՝  և գիշերը, և ցերեկը, կբարձրանա ևս 10-13 աստիճանով։

Արդեն մարտի 10-ին օդի ջերմաստիճանը  ցերեկային ժամերին լեռնային մարզերում՝ Շիրակ, Կոտայքի լեռնային գոտիներ, Արագածոտնի լեռնային գոտիներ, Գեղարքունիք, Վայոց ձորի լեռնային գոտիներ, կհասնի մինչև +8-+11 աստիճանի, Լոռիում՝ +14-+16 աստիճանի, Տավուշի ցածրադիր գոտիներում՝ +17-+20 աստիճանի, Արարատում, Արմավիրում, Վայոց ձորի նախալեռնային գոտիներում՝ +18-+20 աստիճանի, Սյունիքի  հոտվային գոտում՝  մինչև +18 աստիճանի, Սյունիքի նախալեռնային հատվածում՝ +14-+17, Երևանում մարտի  10-ին ցերեկային ժամերին կգրանցվի +17-+19 աստիճան տաքություն։

«Առաջիկա 10 օրերին հանրապետության ողջ տարածքում  կանխատեսվում է առանց տեղումների չոր եղանակ։ Հավանաբար, նախնական գնահատումներով, Հայաստանում տեղումներ կդիտվեն մարտի  16-ից հետո։

Տեղումների քանակն ամսական կտրվածքով  այս պահի գնահատվում է  կլիմայական նորմայից պակաս»,- ասաց Սուրենյանը։