Միրզոյանն ու Արաղչին քննարկել են Արաքս գետի վրա կամուրջ կառուցելու հարցը

«Մենք ողջունում են Հայաստանի ու Ադրբեջանի միջև խաղաղության համաձայնագրի շուրջ համաձայնությունը, երկու երկրներին խրախուսում ենք հնարավարինս շուտ այն ստորագրել»,-Երևանում հայտարարեց Իրանի ԱԳ նախարար Սեյեդ Աբբաս Արաղչին։

Մինչ ասուլիսը ԱԳՆ-ում կայացել է ՀՀ ԱԳ նախարար Արարատ Միրզոյանի և Իրանի ԱԳ նախարար Սեյեդ Աբբաս Արաղչիի ընդլայնված կազմով հանդիպումը:

Իրանցի դիվանագետն ընդգծեց՝ կողմ են երկրների տարածքային ամբողջականության ճանաչմնաը, դեմ են միջազգայնորեն ճանաչված սահմանների փոփոխությանը։

«Սա Իրանի կայուն դիրքորոշումն է։ Ես կարծում եմ, տարածաշրջանում առկա բոլոր խնդիրները պետք է լուծվեն երկխոսության միջոցով, առանց ուժի կիրառման»,-ասաց իրանցի նախարարը։

Անդրադառնալով երկկողմ հարաբերություններին՝ Սեյեդ Աբբաս Արաղչին ուրախությամբ նշեց, որ երկկողմ տնտեսական, առևտրային հարաբերություններում գրանցվում է դինամիկ զարգացում, աճւ վերաբերումէ  հատկապես զբոսաշրջային ոլորտին։

«Մենք պայմանավորվել ենք լավագույն կերպով օգտագործել երկու երկրների հարաբերություններում առկա պոտենցիալը։ Իրանը և Հայաստանը պատրաստ են պայմաններ ստեղծել տարանցման համար՝ ապահովելով դեպի Պարսից ծոց ու Սև ծով ելք հայկական և իրանական բեռնատարների համար։ Մենք զրուցել ենք նաև Արաքս գետի վրա կամուրջ կառուցելու վերաբերյալ, որի նպատակը կրկին բեռնափոխադրումների իրականացման դյուրացումն է»,-ասաց Իրանի ԱԳ նախարարը։

Հիշեցնենք, որ մարտի 24-25-ին պաշտոնական այցով Հայաստանում է Իրանի Իսլամական Հանրապետության արտաքին գործերի նախարար Սեյեդ Աբբաս Արաղչին: Այցի շրջանակներում կկայանա նաև նախարար Արաղչիի «Բանակցության ուժը» գրքի շնորհանդեսը։