Ծանրորդ Հարություն Հովհաննիսյանը՝ պատանիների աշխարհի առաջնության փոխչեմպիոն

Պերուի մայրաքաղաք Լիմայում ավարտին է մոտեցում պատանիների և երիտասարդների աշխարհի առաջնությունը:

Գերծանր քաշային պատանի ծանրորդների պայքարում Հայաստանի հավաքականի անդամ Հարություն Հովհաննիսյանը պոկում վարժությունում երեք հաջող մոտեցմամբ բարձրացրել է 140 կգ,145 կգ ու 150 կգ: Այս ձևում մեր մարզիկն արժանացել է ոսկե մեդալի: Հրում վարժությունում Հովհաննիսյանը բարձրացրել է 173 կգ: Երկամարտի 323 կգ արդյունքով` Հովհաննիսյանը դարձել է պատանիների աշխարհի առաջնության փոխչեմպիոն։