Մխիթարյանը հնարավոր է բաց թողնի «Ինտերի» առաջիկա հանդիպումը

Հայաստանի ազգային հավաքականի նախկին ավագ, Միլանի «Ինտերի» կիսապաշտպան Հենրիխ Մխիթարյանը կարող է բաց թողնել Ա Սերիայի 36-րդ տուրի «Տորինոյի» դեմ կայանալիք արտագնա հանդիպումը։  Հնարավոր է հանդիպմանը չմասնակցեն նաև Լաուտարո Մարտինեսը, Բենջամին Պավարը։ Դավիդե Ֆրատեսիի մասնակցությունը մնում է հարցականի տակ։ Այս մասին հայտնում է terrikon.com կայքը։

sempreinter.com-ի հաղորդմամբ, 36-ամյա Մխիթարյանի մոտ ախտորոշվել է մկանային հոգնածություն, ինչի պատճառով նա, ամենայն հավանականությամբ, բաց կթողնի առաջիկա հանդիպումը։

«Տորինո» – «Ինտեր» հանդիպումը կկայանա  մայիսի 11-ին։