Քաղաքապետարանի նիստերի դահլիճում լրագրողների համար խոչնդոտներ են ստեղծվել. Ահազանգ

Քաղաքապետարանում նիստերի դահլիճում լրագրողների համար խոչնդոտներ են ստեղծվել։ Ահազանգում է Երևանի ավագանու «Մայր Հայաստան» խմբակցության անդամ Արշակ Սարգսյանը՝ պահանջելով բացատրել, թե ինչու են ձայնամեկուսիչ ապակիներով առանձնացրել լրագրողների համար նախատեսված տարածքը։

«Քաղաքապետարանը պարտավոր է տեղեկություններ ներկայացնել, թե որն է  այս ամենի նպատակը»,-ասաց ավագանու անդամը։

Մինչ քաղաքապետարանի պատասխանը նա ներկայացրեց սեփական տարբերակը։ Ա. Սարգսյանի ներկայացմամբ, ցանկացած պահի կարող են ձայնն անջատել, իսկ ապակուց այն կողմ գտնվող լրագրողները չեն էլ հասկանա, թե ինչ է կատարվում դահլիճում։

«Այսինքն, կարող են որ պահին ուզեն, անջատեն, իսկ մեր հասարակությունը լրատվամիջոցներից չի իմանա շատ ու շատ բաներ, որ տեղի է ունենում այս դահլիճում»,-ասաց նա։