ՀԱՊԿ երկրներն ընդունել են 2026-2030 թվականների ռազմական համագործակցության պլանը

Հավաքական անվտանգության պայմանագրի կազմակերպության (ՀԱՊԿ) երկրների պաշտպանության նախարարները Բիշքեկում կայացած հանդիպմանը հաստատել են կազմակերպության շրջանակներում 2026-2030 թվականների ռազմական համագործակցության պլանը։ Այդ մասին ՏԱՍՍ-ին հայտնել են Ղրղզստանի պաշտպանության նախարարության մամուլի ծառայությունից։

«2025 թվականի մայիսի 28-ին Բիշքեկում կայացել է ՀԱՊԿ անդամ պետությունների պաշտպանության նախարարների խորհրդի նիստը, որի ընթացքում քննարկվել և հաստատվել է ՀԱՊԿ անդամ երկրների միջև 2026-2030 թվականների ռազմական համագործակցության զարգացման ծրագիրը»,- նշել են մամուլի ծառայությունից։

Պաշտպանության նախարարները քննարկել են նաև կազմակերպության հավաքական ուժերի գործունեության հարցը, որը «հաջողությամբ կհակազդի ՀԱՊԿ հավաքական անվտանգության տարածաշրջաններում ռազմական անվտանգության ժամանակակից մարտահրավերներին և սպառնալիքներին»։

«Մեր վերջին հանդիպման արդյունքները ևս մեկ անգամ հաստատեցինք մեր տեսակետների և հիմնարար մոտեցումների միասնությունը կազմակերպության հավաքական անվտանգության ամրապնդման, ՀԱՊԿ անդամ երկրների միջև ռազմական համագործակցության հետագա կատարելագործման և զարգացման, կառավարման համակարգերի բարելավման, ուժերի և հավաքական անվտանգության մարմինների համատեղ պատրաստության վերաբերյալ»,- ասել է Ղրղզստանի պաշտպանության նախարար Ռուսլան Մուկամբետովը։