Տղաների առողջական վիճակը լավ է. Տեղի համայնքապետարան

«Կարեն Ջհանգիրյանը և Անդրեյ Գյագունցը գտնվում են Տեղ համայնքում։ Տղաների առողջական վիճակը լավ է»,- հայտնում են Տեղի համայնքապետարանից՝ հրապարակելով տղաների լուսանկարը։ 

Այսօր ավելի վաղ ԱԱԾ-ից հայտնել էին՝  ՀՀ Սյունիքի մարզի Տեղ համայնքի բնակիչներ Կարեն Արմենի Ջահանգիրյանը (ծնված 27.06.2007թ.) և Անդրեյ Արմենի Գյագունցը (ծնված 13.01.2008թ.) հունիսի 6-ին՝ ժամը 01:20-ի սահմաններում, Սյունիքի մարզի Արավուս գյուղի հարակից հատվածում՝ տեղանքում մոլորվելու հետևանքով հայտնվել են Ադրբեջանի տարածքում։

Քիչ առաջ ԱԱԾ-ն տեղեկացրեց, որ  Տեղ համայնքի անչափահաս բնակիչները, ովքեր մոլորվել էին, հայտնաբերվել են և այժմ գտնվում են Հայաստանի Հանրապետությունում։