Ամենից շատ կարդացված նյութեր
.jpg "«Հրապարակ». Երբեմնի խրոխտ հոգևորականներն ավելի զգուշավոր պահվածք են դրսևորում")
«Հրապարակ». Երբեմնի խրոխտ հոգևորականներն ավելի զգուշավոր պահվածք են դրսևորում
«Հրապարակ» թերթը գրում է.
«Եկեղեցու դեմ Նիկոլ Փաշինյանի սկսած արշավի «պտուղներն» արդեն երևում են: Երբեմնի խրոխտ հոգևորականներն ավելի զգուշավոր պահվածք են դրսևորում: Պատմեցին, որ կիրակի օրը Գորիսի տարածաշրջանի հոգևոր հովիվ Տեր Ահարոն քահանա Մելքումյանը եկեղեցու իր սենյակում է եղել, երբ Փաշինյանն ու Աննա Հակոբյանը մտել են եկեղեցի, մոմ վառել և դուրս եկել: Հակաիշխանական հայացքներ ունեցող քաղաքացիներն անհամբեր սպասել են, որ Տեր Ահարոնը դուրս կգա իր սենյակից և, իր բնորոշմամբ` «չարիքին» դուրս կհրավիրի Աստծո տաճարից, սակայն նա դուրս չի եկել:
Իսկ Տեր Ահարոնը եկեղեցու այն սպասավորներից է, որը հատկապես պատերազմից հետո ակտիվ քննադատում էր Փաշինյանին: Սիսիանի հոգևոր հովիվ Պարգև քահանան էլ, որ պատերազմից հետո հրաժարվել էր սեղմել եկեղեցի այցելած Փաշինյանի ձեռքը, շաբաթ օրը եկեղեցի է գնացել այն ժամին, երբ զույգն արդեն հեռացած է եղել: Հավելենք նաև, որ հունիսի 9-ին Գարեգին Բ-ն մեկօրյա այցով մեկնել է Արաբական Միացյալ Էմիրություններ, ուր հանդիպում կունենա Կալկաթայի Սուրբ Նազարեթ եկեղեցու և Հայոց Մարդասիրական ճեմարանի հոգաբարձուների հետ»։
Մանրամասները թերթի այսօրվա համարում։
Studio One