Իշխանությունն իր թիմի առանցքային անդամներից մեկի միջոցով ձերբակալությունների նոր արարի մասին է հայտարարում. Տիգրան Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանը գրում է.

«Իշխանությունն իր թիմի առանցքային անդամներից մեկի միջոցով ձերբակալությունների նոր արարի մասին է հայտարարում, որի իմաստն այն է, որ ով աջակցում է Վեհափառին կամ այսօր ձերբակալված անձանց, աջակցում է ահաբեկչությանն ու իշխանության բռնազավթմանը:

Այսինքն` բացի նրանից, որ այս մարդկանց դեռևս չկալանավորված արդեն ահաբեկչի կամ իշխանազավթի հոդված է կարել, նույնիսկ հարկ էլ չեն համարում գործով դատարանի վճռին սպասեն:

Չեն սպասում, որովհետև քաղաքական հանձնարարությունն արդեն տվել են, թեման կա, մարդիկ կան, հոդվածը գտնված է»: