«Հրապարակ». Վերջին երկու ամսում երրորդ անգամ է Հոգեկան առողջության կենտրոնում տնօրեն փոխվում

«Հրապարակ» թերթը գրում է.

«Հոգեկան առողջության պահպանման ազգային կենտրոնի տնօրեն Սերգեյ Խաչատրյանին մայիսին աշխատանքից ազատեցին։ Նա նշանակվեց Մարգարյան ծննդատան գլխավոր տնօրեն։ Առողջապահության նախարար Անահիտ Ավանեսյանը Հոգեկան առողջության կենտրոնի տնօրենի ԺՊ էր նշանակել փոխտնօրեն Արմեն Հակոբյանին: Նա շուրջ 2 ամիս պաշտոնավարելուց հետո հրաժարվել է պաշտոնավարել որպես տնօրենի ԺՊ՝ նախընտրելով փոխտնօրենի պաշտոնը:

Հետո նախարարը ԺՊ էր նշանակել կենտրոնի բաժնի վարիչներից մեկին՝ Մհեր Ուստյանին: Սակայն այդ նշանակումից օրեր անց՝ հուլիսի 3-ին, Մհեր Ուստյանին և Արմեն Հակոբյանին Հակակոռուպցիոն կոմիտեն ձերբակալեց՝ կոռուպցիոն բնույթի քրգործի շրջանակներում: Դատարանի որոշմամբ Մհեր Ուստյանի և Արմեն Հակոբյանի համար խափանման միջոց է ընտրվել երկրից չբացակայելը:

Զարմանալի է, որ քրեական գործը հարուցվել էր շուրջ մեկ տարի առաջ, սակայն նախարարը տնօրենի ԺՊ էր նշանակել մեղադրյալից 5 պակաս անձի՝ առանց համապատասխան մարմիններից ճշտելու նրա կարգավիճակը, անտեղյակ, որ քրեական վարույթ կա այդ անձի նկատմամբ: Հիմա էլ, մեր տեղեկություններով, Անահիտ Ավանեսյանն ուզում է Հոգեկան առողջության պահպանման ազգային կենտրոնի տնօրենի ԺՊ նշանակել նույն կենտրոնի մեկ այլ բաժնի վարիչի՝ Աննա Չիլինգարյանին: Վերջին երկու ամսում երրորդ անգամ է այս կենտրոնում տնօրեն փոխվում, հուսանք, որ հաջորդ ԺՊ-ն կպաշտոնավարի գոնե մինչև տնօրենի տեղի համար հայտարարված մրցույթը»։

Մանրամասները թերթի այսօրվա համարում։