Երեկ կալանավորված կինը 8 ամսական երեխայի հետ տեղափոխվել է «Աբովյան» ՔԿՀ

 8 ամսական երեխայի մայրը՝ Լիանա Հարությունյանը, ով նախօրեին երեք ամսով կալանավորվել է, արդեն «Աբովյան» քրեակատարողական հիմնարկում է։

«Սպասում եմ ինձ հնարավորություն ընձեռեն հանդիպելու Լիանային։  Հավանաբար փորքիկն էլ իր հետ կգա հանդիպման»,- ՔԿՀ դիմացից ուղից եթերում ասաց փաստաբան Զարուհի Փոստանջյանը։

Նա հայտնեց, որ Լիանայի  մեծ երեխաներն արդեն իսկ տեղափոխվել են Լիանայի հիվանդ մայրիկի բնակավայր՝ գյուղ, ժամանակավոր կգտվեն այնտեղ, իսկ փորքիկին ժամը 21։00-ի սահմաններում Լիանային բերել են ՔԿՀ։

«Խոսել եմ պատգամավորների հետ, կտերամադրեն երաշխավորագրեր, որպեսզի հնարավորինս շուտ դուրս գա Լիանան ՔԿՀ-ից»,- ասաց փաստաբանը։

Հիշեցնենք, որ մանկահասակ երեխայի մորը կալանավորելու որոշում կայացրել է Երևանի ընդհանուր իրավասության դատարանի Շենգավիթ նստավայրի դատավոր Արշակ Մաթևոսյանը։ Փաստաբան Զ.Փոստանջյանը երեկ Panorama.am-ի հետ զրույցում ասել էր, որ Լ. Հարությունյանը գործում ներգրավված է եղել որպես վկա, այնուհետև արդեն մեղադրյալ։ Գործը վերաբերում է Հնդկաստանի քաղաքացիների անօրինական միգրացիային, որի շրջանակում երիտասարդ կինը յոթ անգամ թարգմանություն է արել։