Օվերչուկ. Ռուսաստանը մտահոգված է Հայաստանի հետ առևտրաշրջանառության կրճատմամբ

Ռուսաստանի վարչապետ Միխայիլ Միշուստինը և Նիկոլ Փաշինյանը հուլիսի 24-ին կայացած հանդիպման ժամանակ, ի թիվս այլ հարցերի, քննարկել են առևտրատնտեսական համագործակցության հարցեր: Մոսկվան մտահոգված է Երևանի հետ առևտրաշրջանառության կրճատմամբ։ ՏԱՍՍ-ի հաղորդմամբ, լրագրողներին ասել է Ռուսաստանի փոխվարչապետ Ալեքսեյ Օվերչուկը:

Հիշեցնենք, որ Ալթայի Հանրապետությունում անցկացվող Բնության և շրջակա միջավայրի պաշտպանությանը նվիրված միջազգային համաժողովի շրջանակում այսօր կայացել է Նիկոլ Փաշինյանի և Ռուսաստանի Դաշնության Կառավարության ղեկավար Միխայիլ Միշուստինի հանդիպումը։

«Հայաստանի վարչապետ Նիկոլ Վովաևիչ Փաշինյանի հետ մենք կենտրոնացանք առևտրատնտեսական համագործակցության զարգացման վրա։ Իհարկե, մեզ մտահոգված է երկու երկրների միջև առևտրաշրջանառության կրճատումը։ Մենք քննարկեցինք, թե ինչ է պետք անել իրավիճակը բարելավելու համար», - ասել է նա։

Օվերչուկը հայտնել է, որ հանդիպմանը քննարկվել է նաև «ռուսական ներդրումները Հայաստանում»։

«Մենք քննարկեցինք Հարավային Կովկասի օրակարգին վերաբերող հարցեր։ Եվ ընդհանուր առմամբ, զրույցը շատ օգտակար էր», - ասել է Օվերչուկը։