Կրասնոդարի ժամանակավոր կալանքի կենտրոնից 6 մարդ է փախուստի դիմել, նրանցից երկուսը ՀՀ քաղաքացիներ են

Կրասնոդարի օտարերկրյա քաղաքացիների ժամանակավոր կալանքի կենտրոնից փախել է վեց մարդ, այդ թվում՝ երեք ուկրաինացի։ Այս մասին հայտնել է SHOT Telegram ալիքը։

Նշվում է, որ փախուստը տեղի է ունեցել օգոստոսի 10-ի երեկոյան։

Փախածների թվում են եղել Ուկրաինայի երեք քաղաքացիներ՝ Նիկոլայ Կիսլենկոն, Վյաչեսլավ Ժմուրկոն և Ալեքսանդր Կապուստան, Հայաստանի երկու քաղաքացիներ՝ Արթուր և Գարիկ Բաբայանները, ինչպես նաև Մոլդովայի մեկ քաղաքացի՝ Նիկոլայ Կամբուրը։

Վեց փախածներից հինգը հայտնաբերվել և ձերբակալվել են։ Եվս մեկի որոնումները ներկայումս շարունակվում են։ Այս բոլոր անձինք Ռուսաստանում գտնվել են առանց թույլտվության։

Ենթադրաբար, ներկայումս որոնում են Ուկրաինայի 39-ամյա քաղաքացի Ժմուրկոյին, որը 2017 թվականին դատապարտվել է ծանր հանցագործության համար։ Նա դատապարտվել է յոթ տարվա ազատազրկման։