Երեք տարեկան տղան ընկել է 12-րդ հարկի պատուհանից և ողջ մնացել

Յարոսլավլից մի երեխա աննկատ հայտնվել է բազմահարկ շենքի պատուհանների տակ։ Այս մասին հաղորդում է 76.ru-ն։

Դեպքը տեղի է ունեցել Նեֆտյանիկով փողոցում։ Պորտալի աղբյուրի խոսքով՝ երեք տարեկան տղան ընկել է 12-րդ հարկի պատուհանից, այն բանից հետո, երբ նրան հաջողվել է ինքնուրույն հասնել դրան։

«Իրավիճակը ստանդարտ է. երեխան բարձրացել է պատուհանագոգին և հենվել մոծակներից պաշտպանող ցանցի վրա»,-ասել է աղբյուրը։

Արդյունքում, տուժածը ողջ է մնացել, նա հոսպիտալացվել է, վնասվածքների բնույթը չի հաղորդվում։

Այս պահին Ներքին գործերի նախարարության աշխատակիցները հետաքննություն են անցկացնում։ Մարզային քննչական կոմիտեի աշխատակիցները նույնպես ձեռնարկում են անհրաժեշտ միջոցառումներ։

Հայտնի է, որ ընտանիքը վերջերս տեղափոխվել է 12-րդ հարկի բնակարան, ծնողները ժամանակ չեն ունեցել պատուհաններին հատուկ սարքեր ամրացնելու։

Ընտանիքը ապահովված է, կան մի քանի երեխաներ։