ՖԻՖԱ-ն հրապարակել է վարկանշային թարմացված աղյուսակը. Հայաստանի ազգային հավաքականը բարձրացել է երկու հորիզոնականով

Սեպտեմբերի 18-ին ՖԻՖԱ-ն հրապարակել է ազգային հավաքականների դասակարգման վարկանիշային թարմացված աղյուսակը։ Հայաստանի ազգային հավաքականը բարձրացել է երկու հորիզոնականով և այժմ 103-րդն է։

Իսպանիայի ազգային հավաքականը գլխավորում է վարկանիշային աղյուսակը։ Երկրորդը Ֆրանսիան է, Արգենտինան նահանջել է ու այժմ զբաղեցնում է երրորդ հորիզոնականը։

1․ Իսպանիա - 1875.37  
2. Ֆրանսիա - 1870.92 
3. Արգենտինա - 1870.32 
4. Անգլիա - 1820.4 4 
5. Պորտուգալիա - 1779.55 
6. Բրազիլիա - 1761.6 
7. Նիդերլանդներ - 1754.17
8. Բելգիա - 1739.54 
9. Խորվաթիա - 1714.2 
10. Իտալիա - 1710.06

41. Հունգարիա - 1492.18
61. Իռլանդիա - 1397.52
103. Հայաստան - 1219.55։

Հիշեցնենք, որ Հայաստանի ազգային հավաքականը հոկտեմբերի 11-ին Աշխարհի առաջնության եվրոպական գոտու որակավորման փուլի երրորդ տուրում կմրցի Հունգարիայի ազգային ընտրանու հետ։ Հանդիպումը կկայանա Բուդապեշտի «Պուշկաշ Արենա» մարզադաշտում։
Մինչ այդ Երևանում հավաքականը հյուրընկալել է Պորտուգալիայի ու Իռլանդիայի հավաքականներին։