ԱԱ. Ռազմիկ Քուրդյանը մեկնարկում հաղթել է Ադրբեջանի ներկայացուցչին

Խորվաթիայի մայրաքաղաք Զագրեբում շարունակվում է ըմբշամարտի Աշխարհի առաջնությունը։  Այսօր մրցագորգ են դուրս գալիս 55 կգ, 77 կգ, 82 կգ, 130 կգ քաշային ըմբիշները:

Հայաստանի հավաքականից 55 կգ քաշային Մանվել Խաչատրյանի մրցակիցը 1/8 եզրափակչում թուրք Էմին Չակիրն է:

77 կգ քաշային Մալխաս Ամոյանը 1/16 եզրափակչում կմրցի ամերիկացի Քամալ Բեյի հետ:

82 կգ քաշում որակավորման փուլում Սամվել Գրիգորյանի մրցակիցը Ադլեթ Տիուլիուբաևն է:

130 կգ քաշում Ռազմիկ Քուրդյանը մեկնարկում 1:1 հաշվով հաղթել է  Ադրբեջանի ներկայացուցիչ Բեկա Կանդելակին և շարժվում է առաջ։