Թբիլիսիի «Holiday Inn» հյուրանոցում կրակոցներ են հնչել. կա պատանդ

Թբիլիսիի «Holiday Inn» հյուրանոցում կրակոցներ են լսվել: «Սպուտնիկ գրուցիա»-ն գրում է, որ լուրը հայտնում է «Ռուսթավի 2»-ը։

Լրատվամիջոցների հաղորդմամբ՝ կրակողը իր սենյակում գտնվող հյուրանոցի այցելուն է եղել։

Մինչդեռ «Ֆորմուլա» հեռուստաընկերությունը հաղորդել է, որ անհայտ անձը «Holiday Inn»-ում պատանդ է վերցրել մի մարդու։

 Շենքի մոտ կենտրոնացվել են ոստիկաններ և փրկարարներ։ Ներքին գործերի նախարարությունից դեռևս պաշտոնական մեկնաբանություն չի եղել։

Նախնական տեղեկություններով՝ կրակոցների մեջ կասկածվողը ձերբակալվել է։