Վալոդյա Գրիգորյանի հոգեհանգստին մասնակցում է նաև ՆԳ նախարարը

Փարաքարի սպանված ընդդիմադիր համայնքապետ Վալոդյա Գրիգորյանի հոգեհանգստի արարողությանը մասնակցում է նաև ՆԳ նախարար Արփինե Սարգսյանը։ Նա այստեղ եկավ ոստիկանների ուղեկցությամբ։

«Տիկին նախարար, ո՞վ պետք է կանխեր սպանությունները։ Ձեր պատասխանատվությունը զգո՞ւմ եք»։ Լրագրողների այս հարցերը մնացին անպատասխան։ Ա. Սարգսյանը կարճ արձագանքեց.

«Այստեղ հարցազրույցի տեղ չէ»։

ՆԳՆ խոսնակ Նարեկ Սարգսյանն էլ գործընկերների որևէ հարցի չպատասխանեց, ասաց՝ եթե լինեն նոր հանագամքներ, դրանց մասին կհայտնեն։