Տղամարդը սեփական կնոջը հանձնել է նրա սիրեկանին՝ փոխարենը ստանալով կով

Ինդոնեզիայում տղամարդը կնոջը տվել է նրա սիրեկանին՝ սիրավեպը խաղաղ կարգավորելու համար։ Դեպքի մասին հայտնել է World of Buzz-ի։

Ըստ լրատվամիջոցների հաղորդագրությունների՝ տղամարդը համաձայնել է պաշտոնապես հանձնել կնոջը նրա սիրեկանին հին արարողության ժամանակ, որը կոչվում է Mowea Sarapu, որը թարգմանաբար նշանակում է «հանձնել և ազատ արձակել»։

Արարողությունը անցկացվում է երկու կողմերի համաձայնությամբ և նպատակ ունի խաղաղ ճանապարհով լուծել անհավատարմության հետ կապված ամուսնական հակամարտությունները։ Այն ներառում է երկու ընտանիքների ներկայացուցիչներին, տեղական ավագներին և կրոնական առաջնորդներին։ Մասնակիցները նստում են ընդհանուր սեղանի շուրջ, ներողամտություն խնդրում, փոխանակում խորհրդանշական նվերներ և պաշտոնապես «փակում» են հակամարտությունը։

Արարողության պայմանների համաձայն՝ նոր ամուսինը՝ կնոջ սիրեկանը, պարտավոր էր նախկին ամուսնուն վճարել 400 դոլար և կով տալ որպես փոխհատուցում ։

Տեղացի ավագները նշել են, որ այս մոտեցումը թույլ է տվել կողմերին խուսափել բռնությունից և երկու ընտանիքների համար ամոթից, ինչպես նաև ցույց է տվել, որ նույնիսկ անհավատարմության դեպքում հակամարտությունը կարող է լուծվել «արժանապատվորեն և ավանդույթների նկատմամբ հարգանքով»։

Շատ մեկնաբաններ հարգանք են հայտնել նախկին ամուսնու հանգստության նկատմամբ, մինչդեռ մյուսները խոստովանել են, որ նման «փոխանակումը» չափազանց անսովոր էր թվում 21-րդ դարի համար։