Երևանի քննչական վարչություն են տարվել 5 հոգևորական

Այս պահին Երևանի քննչական վարչություն են տարվել 5 հոգևորական՝ Տեր Փառեն, Տեր Մանուկ, Տեր Հայկ, Տեր Մկրտիչ, Տեր Ղևոնդ քահանաները, ինչպես նաև՝ մի շարք քաղաքացիական անձինք։ Ազգային ճակատի հաղորդմամբ, այս մասին հայտնում է փաստաբան Արա Զոհրաբյանը։ 

Հիշեցնենք, որ անցած գիշեր Արագածոտնի թեմի բարձրաստիճան հոգևորականներ են տարվել Քննչական կոմիտե։ Panorama.am-ի տեղեկություններով, խուզարկել են Արագածոտնի թեմի առաջնորդ Մկրտիչ եպիսկոպոս Պռոշյանի տունը, ապա նրան տեղափոխել են ՔԿ։ Արագածոտնի թեմի առաջնորդը Ամենայն հայոց կաթողիկոս Գարեգին Բ-ի քրոջ որդին է:

Բացի այդ, ձերբակալվել է Սաղմոսավանքի հոգևոր հովիվ Տեր Փառեն քահանա Առաքելյանը։

Panorama.am-ի հարցերին ՔԿ-ից խոստացան պատասխանել ավելի ուշ։