Ադրբեջանի տարածքով ցորենը Հայաստան է հասել. Ադրբեջանական ԶԼՄ-ներ

Հացահատիկով բեռնված գնացքն անցել է Ռուսաստանի, Ադրբեջանի, Վրաստանի տարածքով, այժմ Հայաստանում է։ Այս մասին գրում են ադրբեջանական ԶԼՄ-ները։

15 վագոններից կազմված գնացքը Հայաստան է տեղափոխել 1048 տոննա 800 կգ ցորեն։ Անցնելով Վրաստանի սահմանը՝ այն ուղևորվել է Հայաստանի Դալարիկ կայարան։

Հիշեցնենք, որ Իլհամ Ալիևը հոկտեմբերի 21-ին Ղազախստանում հայտարարել էր, Ադրբեջանը հանում է Հայաստանի բեռների տարանցման համար եղած սահմանափակումները։ Նիկոլ Փաշինյանը բազմիցս շնորհակալություն է հայտնել Ալիևին։