Քվեարկության ուղղորդում, բաց քվեարկություն, մեկ քվեախցիկում երկու անձի առկայություն. «Թաթոյան» հիմնադրամն արձանագրել է խախտումներ

Վաղարշապատ խոշորացված համայնքում համամասնական ընտրակարգով ավագանու ընտրությունների քվեարկության ընթացքին հետևող «Թաթոյան» հիմնադրամը ժամը 14։00-ի դրությամբ արձանագրել է հետևյալ խախտումները. 

14/47 Վստահված անձանցից մեկը պարբերաբար լքում է տեղամասը և վերադառնում տեղամաս առանց վկայականի և գրանցվելու,

14/15 Ուղղորդման երկու դեպք,

14/15 Մեկ քվեախցիկում երկու անձի կողմից ընտրության իրականացում,

14/20 Քվեարկության ուղղորդում/բաց քվեարկություն,

14/45 Քվեաթերթիկների քանակը, ըստ մասնակցող ուժերի, տարբեր է,

14/9 Մեկ ընտրողն օգնում էր մյուս քվեախցիկում ընտրություն իրականացնող անձին։

«Միաժամանակ արձանագրում ենք, որ մի շարք դեպքերում տեղամասային ընտրական հանձնաժողովի նախագահները տեղում արձանագրում ու կանխում են խախտումները»,- նշում են հիմնադրամից։