Թբիլիսիի օդանավակայանում ձերբակալվել է ռուս կին, որի մոտ 370,000 դոլարի կոկաին է եղել

Վրաստանի իրավապահ մարմինների աշխատակիցները Թբիլիսիի միջազգային օդանավակայանում մեծ քանակությամբ թմրանյութեր ներմուծելու փորձի ժամանակ ձերբակալել են Ռուսաստանի քաղաքացու։ Լուր, հաղորդում է ՏԱՍՍ-ը։

Վրաստանի ՆԳՆ մամուլի ծառայության տվյալներով՝ միջադեպը տեղի է ունեցել մաքսային զննման ժամանակ։ 36-ամյա ռուս կնոջ ուղեբեռի խուզարկության ժամանակ հայտնաբերվել և առգրավվել է կոկաին։ Առգրավված նյութի ընդհանուր քաշը կազմել է 1,2 կգ, իսկ թմրանյութերը թաքցված են եղել գաղտնի խցիկում։

Նախարարության տվյալներով՝ այս բեռի գնահատված արժեքը վրացական անօրինական շուկայում գերազանցում է 1 միլիոն լարին (մոտավորապես 370,000 դոլար)։ Կինը կալանավորվել է և նրան սպառնում է մինչև 20 տարվա կամ ցմահ ազատազրկում։