Ամենից շատ կարդացված նյութեր
.jpg "Տոնական օրերին ընդառաջ Արամ Ա-ն այցելել է ծերանոց")
Մեծին տան Կիլիկիո կաթողիկոսությունից հայտնում են, որ տոնական օրերին ընդառաջ Արամ Ա-ն այցելել է ծերանոց։
«Ն.Ս.Օ.Տ.Տ. Արամ Ա. Կաթողիկոս հայրական ջերմ այցելութիւն կը շնորհէ և իր հայրապետական օրհնութեամբ կը պարուրէ Պուրճ Համուտի Ազգային ծերանոցի բնակիչները: Առ այդ, Երկուշաբթի, 29 Դեկտեմբեր 2025-ի առաւօտուն, Հայրապետը, խումբ մը միաբան հայրերու ընկերակցութեամբ, ուղղուեցաւ ծերանոց, ուր զինք դիմաւորութեան կը սպասէին հաստատութեան տնօրէն պատուելի Սեպուհ Թէրզեան, խնամակալութիւնը, տիկնաց յանձնախումբը և ծերանոցի բնակիչ մամիկներն ու պապիկները:
Պատուելի Թէրզեան յանուն ազգային ծերանոցին ողջունեց Հայրապետին ներկայութիւնը և իր երախտագիտութիւնը յայտնեց արդէն աւանդութիւն դարձած այցելութեան համար:
Ապա, իր օրհնութեան խօսքը ուղղեց Վեհափառ Հայրապետը։ Ան բարձրօրէն գնահատելով հայ ծերերու տան մէջ տարուող ազգային ու քրիստոնէական գործունէութիւնը, որ էութեամբ առաքելութիւն է, վերահաստատեց Մեծի Տանն Կիլիկիոյ Կաթողիկոսութեան մնայուն նեցուկն ու զօրակցութիւնը: Նորին Սրբութիւնը յիշեցուց տարեցներուն, որ անոնք կը գտնուին ազգին տան մէջ, ազգին խնամատարութեան տակ։ Այս առիթով, ան բարձր գնահատեց տնօրէնութեան, խնամակալութեան, տիկնաց յանձնախումբին և պաշտօնէութեան կողմէ տարուող նուիրուական աշխատանքը։ Իր խօսքի աւարտին, Արամ Ա. Վեհափառ Հայրապետը ողջունեց ազգային ծերանոցին առաքելութեան հաւատացող ու զօրավիգ կանգնող բարերարները, նուիրատուներն ու բարեկամները և նոր տարուան ու Սուրբ Ծննդեան բարեմաղթութիւններով՝ շնորհաւորեց բոլորը։
Մթնոլորտը ջերմ էր տօնական երգերով: Միաբաններն ու տարեցները միասնաբար երգեցին Նոր տարուան և Քրիստոսի Սուրբ Ծննդեան ոգին ու պատգամը փոխանցող երգեր։ Աւարտին, Հայրապետը «Պահպանիչ» աղօթքով օրհնեց ազգային ծերանոցն ու անոր բնակիչները»,-ասվում է հաղորդագրության մեջ։
Studio One