Թրամփ. ԱՄՆ-ն պատերազմի մեջ չէ Վենեսուելայի հետ

ԱՄՆ վարչակազմը կարծում է, որ Վենեսուելայում նոր ընտրություններ չեն անցկացվի առաջիկա 30 օրվա ընթացքում։ Այս մասին հայտարարել է նախագահ Դոնալդ Թրամփը NBC-ին տված հարցազրույցում։

Նա նշել է, որ Վաշինգտոնը նախ պետք է վերականգնի երկիրը, ուստի «ընտրություններ չեն կարող անցկացվել»։

«Սա ժամանակ կպահանջի։ Մենք պետք է բուժենք երկիրը, որպեսզի այն կրկին առողջ լինի», - ասել է  Թրամփը։

Հիշեցնենք, որ հունվարի 3-ին ամերիկյան ուժերը գերի էին վերցրել Վենեսուելայի նախագահ Նիկոլաս Մադուրոյին և նրա կնոջը։ Ձերբակալված քաղաքական գործիչը տեղափոխվել է Նյու Յորք, որտեղ նրան մեղադրանք է առաջադրվել։ Գազետա.ռու-ի հաղորդմամբ, Սպիտակ տան ղեկավարը շեշտել է, որ Մադուրոն «այլևս նախագահ չէ», և որ Միացյալ Նահանգները կստանձնի Վենեսուելայի վերահսկողությունը «մինչև իշխանության անցումը»։

Թրամփը նաև հերքել է այն տեղեկությունները, որ Միացյալ Նահանգները պատերազմի մեջ է Վենեսուելայի հետ։ 

«Ոչ, մենք պատերազմի մեջ չենք։ Մենք պատերազմի մեջ ենք թմրանյութեր վաճառող մարդկանց հետ», - նշել է Սպիտակ տան ղեկավարը։