Իրանում անկարգությունների ժամանակ դատախազ է սպանվել

Դատախազ Ալի Աքբար Հոսեյնզադեն և մի քանի անվտանգության ուժերի աշխատակիցներ սպանվել են հինգշաբթի երեկոյան Իրանի Հյուսիսային Խորասան նահանգում տեղի ունեցած զանգվածային անկարգությունների ժամանակ, որը գտնվում է Իսլամական Հանրապետության հյուսիս-արևելքում։ «ՌԻԱ նովոստին» գրում է, որ այդ մասին հայտնել է նահանգի գլխավոր դատավոր Ռեզա Բարաթիզադեին։

«Երեկ երեկոյան, Էսֆարայեն քաղաքում տեղի ունեցած անկարգությունների ժամանակ, քաղաքային դատախազ Ալի Աքբար Հոսեյնզադեն իրավապահ մարմինների և անվտանգության ուժերի հետ միասին տեղում հետևում էր իրադարձություններին։ Խռովարարների մի խումբ, որոնց մեծ մասը Էսֆարայենի կամ Հյուսիսային Խորասան նահանգի բնակիչներ չէին, հրդեհել են դատախազի և անվտանգության ուժերի գտնվելու վայրը՝ բժշկական անձնակազմին խոչընդոտելով օգնություն ցուցաբերել տուժածներին»,-ըստ Իրանի պետական ​​​​հեռարձակող IRIB-ի ասել է Բարաթիզադեն։

Հունվարի 8-ին Իրանում բողոքի երթեր են տեղի ունեցել 1979 թվականին տապալված Իրանի շահի ժառանգ Ռեզա Փահլավիի կոչից հետո։ Սոցիալական ցանցերում տեսանյութերը ցույց են տվել լայնածավալ, զանգվածային բողոքի ցույցեր։ Չնայած դրան, Իրանի Fars լրատվական գործակալությունը պնդում է, որ բողոքի ցույցերը «սահմանափակ» են եղել։ Միևնույն ժամանակ, երկրի ինտերնետային կապն է անջատվել։