Ամենից շատ կարդացված նյութեր
.jpg "«Ռուսաստանի հակապատերազմական կոմիտե»-ի գործունեությունը ՌԴ-ում կարող է արգելվել")
«Ռուսաստանի հակապատերազմական կոմիտե»-ի գործունեությունը ՌԴ-ում կարող է արգելվել
Դատախազությունը պահանջում է, որ «Ռուսաստանի հակապատերազմական կոմիտե» (ՌՀԿ) հասարակական շարժումը (որը Ռուսաստանում համարվում է անցանկալի կազմակերպություն) ճանաչվի որպես ահաբեկչական և արգելվի դրա գործունեությունը Ռուսաստանի Դաշնությունում։ Այս մասին ՏԱՍՍ-ին հայտնել է Ռուսաստանի Գերագույն դատարանի մամուլի ծառայությունը, որտեղ ներկայացվել է հայցը։
«Ռուսաստանի Գերագույն դատարանը ընդունել է «Ռուսաստանի հակապատերազմական կոմիտե» (Մեծ Բրիտանիա)՝ հասարակական շարժման տեսքով ստեղծված միջազգային ոչ կառավարական կազմակերպությունը, ահաբեկչական ճանաչելու և դրա գործունեությունը Ռուսաստանի Դաշնությունում արգելելու վերաբերյալ հայցը։ Գործը կքննվի փակ դատական նիստում»,- հայտարարել է մամուլի ծառայությունը։
2025 թվականի հոկտեմբերին Ռուսաստանի Դաշնային անվտանգության ծառայությունը քրեական գործ է հարուցել «Յուկոսի» նախկին գլխավոր տնօրեն Միխայիլ Խոդորկովսկու (ով ճանաչվել է որպես Ռուսաստանում օտարերկրյա գործակալ և ներառված է «Ռոսֆինմոնիտորինգի» ահաբեկիչների և ծայրահեղականների ցուցակում) և «Ռուսաստանի հակապատերազմական կոմիտեի» անդամների դեմ՝ ահաբեկչական կազմակերպություն ստեղծելու կամ դրան մասնակցելու համար։
Studio One