Մենք քարի դարում ենք ապրում, հակառակ դեպքում չայնիկով ասֆալտ չէին փռի. Արթուր Չախոյան

Հանրային գործիչ Արթուր Չախոյանը ֆեյսբուքյան իր էջում տեսանյութ է հրապարակել, թե ինչպես են առանց բիտում, սառը, սև նյութ լցնելով ասֆալտ փռում։

«Մենք քարի դարում ենք ապրում հակառակ դեպքում չայնիկով ասֆալտ չէին փռի։ Պարզ տրամաբանական հարց՝ խի՞ Երևանի քաղաքապետարանը չի պահանջում, որ ասֆալտ փռող ընկերությունը պարտադիր ունենա բիտում փչող սարք։ Ասենք՝ չայնիկով ասֆալտ փռելն ո՞րնա։

Տենց բան նույնիսկ քարի դարում չեն արել։

Սենց են էլի Երևանի ասֆալտը փռել, որ բիտումի փոխարեն վառած յուղ ու եսիմ ինչ նյութեր իրար խառնում են ու անունը դնում են «բիտում», ու հետո՝ անձրևից ու ձմեռից հետո, երբ ասֆալտը քանդվումա, ասում են՝ աղը շատ ենք ցանել, դրանիցա, որ ասֆալտը քանդվելա, մենք մեղավոր չենք»։

Ասֆալտ անող բանվորը բացատրում է, որ եթե ճանապարհը փակվեր, «ավտոմեքենաները չգնային գային՝ բիտումը կլիներ»։