Վերջին զարգացումները Իրանում ընթացող պատերազմի համատեքստում

-NBC News-ը հաղորդում է, որ ԱՄՆ չորս նախկին նախագահներից ոչ մեկը ԱՄՆ ներկայիս առաջնորդ Դոնալդ Թրամփի հետ զրույցներում չի արտահայտել իր աջակցությունը Իրանի դեմ գործողությանը ։

-Բահրեյնի և Քուվեյթի օդային տարածքը փակ կլինի 18-րդ օրն անընդմեջ։

-Քաթարի ՀՕՊ համակարգերը որսացել են Իրանից արձակված մի քանի հրթիռներ։ Այդ մասին հայտնել է էմիրաթների պաշտպանության նախարարությունը։

-Հորմուզի նեղուցի անապահովությունը պայմանավորված չէ Իրանի գործողություններով, այլ Մերձավոր Արևելքում ընդհանուր լարվածությամբ։ Նման հայտարարություն է արել Իսլամական Հանրապետության արտաքին գործերի նախարարության խոսնակ Էսմայիլ Բաղային։

-ԱՄՆ կենտրոնական հրամանատարության տվյալներով՝ ԱՄՆ զինված ուժերը Իրանի դեմ ռազմական գործողության ընթացքում իրականացրել են ավելի քան 6500 մարտական ​​թռիչք։

-Իրանի նոր գերագույն առաջնորդ այաթոլլահ Մոջթաբա Խամենեին լավ է զգում և կարող է շուտով նոր ուղերձով հանդես գալ։ Այդ մասին հայտարարել է Իրանի արտաքին գործերի փոխնախարար Էսմայիլ Բաղային։

-ԱՄՆ հետախուզական գործակալությունները կարծում են, որ Իրանի ղեկավարությունը մնում է իշխանության գլուխ և ներքին պառակտման նշաններ չի ցուցաբերում։ Այդ մասին հաղորդում է The Washington Post-ը։

-Իսրայելի պաշտպանության ուժերը հայտարարել են, որ նոր լայնածավալ հարվածներ են հասցրել Թեհրանին, ինչպես նաև հայտարարել են Բեյրութում «Հեզբոլլահ»-ի ենթակառուցվածքները խոցելու մասին։

-Պենտագոնի պաշտոնյաները Թրամփին ներկայացված ռազմական ծրագրերում ներառել են Իրանի հետ հակամարտության հնարավոր ավարտի առաջարկներ։ Լուրը հաղորդում է NBC News-ը։

-Իրանական անօդաչու սարքերը հարձակվել են ԱՄԷ-ի կազմում գտնվող Ֆուջեյրա էմիրության նավթարդյունաբերական գոտու վրա։ Հարվածի մասին հայտնում է էմիրության մամուլի ծառայությունը։

-Ըստ Shafaq News-ի Բաղդադում ԱՄՆ դեսպանատունը հրթիռային հարվածների է ենթարկվել։

- Ֆինլանդիայի նախագահ Ալեքսանդր Ստաբը հայտարարել է, թե ԱՄՆ-ն չի տեղեկացրել իր եվրոպացի դաշնակիցներին Իրանի դեմ ռազմական գործողության իր ծրագրերի մասին, սակայն Վաշինգտոնը այս հարցի շուրջ ներկայումս կապի մեջ է Փարիզի, Լոնդոնի և Բեռլինի հետ։

- «Ալ Արաբիա»-ն հաղորդել է, որ Թեհրանի հյուսիսում գտնվող Էլահիե թաղամասում, որը համարվում է քաղաքի ամենահեղինակավորներից մեկը, մի քանի պայթյուններ են տեղի ունեցել։

-Իրաքի «Իսլամական դիմադրությունը» սկսել է օպտիկամանրաթելային FPV անօդաչու թռչող սարքեր օգտագործել ԱՄՆ ռազմական օբյեկտների, այդ թվում՝ Բաղդադի միջազգային օդանավակայանի մոտ գտնվող Վիկտորիա ավիաբազայի վրա հարձակվելու համար։

- «Շաֆաք Նյուզ»-ը հաղորդել է, որ Իրաքի հակաօդային պաշտպանության համակարգերը խոցել են չորս անօդաչու թռչող սարքեր, որոնք փորձել էին հարձակվել Բաղդադում ԱՄՆ դեսպանատան վրա։

-Իրաքի վարչապետի մամուլի խոսնակ Սաբահ ալ-Նումանը հայտարարել է թե Իրաքի հարավում գտնվող աշխարհի ամենամեծ նավթահանքերից մեկի՝ Մաջնունի և Բաղդադի կենտրոնում գտնվող «Ալ Ռաշիդ» հյուրանոցի վրա հարվածները ահաբեկչական հարձակումներ են և բացասական հետևանքներ կունենան երկրի համար։

-Արաբական Միացյալ Էմիրությունների իշխանությունները որոշել են ժամանակավորապես մասամբ փակել երկրի օդային տարածքը։ Որոշման մասին հայտարարել է տեղի քաղաքացիական ավիացիայի վարչությունը։

- Իրանի արտաքին գործերի նախարարության բարձրաստիճան պաշտոնյան հայտարարել է թե իրանի իշխանությունները պատրաստ են անորոշ ժամանակով շարունակել ռազմական գործողությունները և ներկայումս չեն կենտրոնանում տարածաշրջանում առկա հակամարտության դիվանագիտական ​​լուծման որոնման վրա։

-Ըստ The Daily Telegraph-ի, Իրանի նոր գերագույն առաջնորդ այաթոլլահ Մոջթաբա Խամենեին փետրվարի 28-ին խուսափել է մահից՝ լքելով հարձակման ենթարկված շենքը ավիահարվածից կարճ ժամանակ առաջ։

-Մեծ Բրիտանիան, Գերմանիան, Իտալիան, Կանադան և Ֆրանսիան մտահոգություն են հայտնել Լիբանանում ռազմական լարվածության վերաբերյալ՝ կոչ անելով Լիբանանի և Իսրայելի իշխանություններին բանակցել։

- «Ալ Ջազիրա»-ն հաղորդել է, որ Բանդար Աբբասում՝ Իրանի խոշորագույն նավահանգստային քաղաքներից մեկում, տեղի են ունեցել մի քանի հզոր պայթյուններ։

-ԱՄՆ նախագահ Դոնալդ Թրամփը պնդում է, որ Իրանը ձգտում է ոչ միայն մշակել, այլև օգտագործել միջուկային զենք։

- «Ալ Հադաթ»-ը հաղորդել է, որ Թեհրանում գտնվող «Բասիջ» աշխարհազորի շտաբ-բնակարանը ենթարկվել է օդային հարձակման։

- «Ալ Ջազիրա»-ն հաղորդել է, որ Իրանի արտաքին գործերի նախարար Աբբաս Արաղչին հերքել է ԱՄՆ նախագահի դեսպան Սթիվեն Ուիտկոֆի հետ իր ենթադրյալ շփումների մասին տեղեկությունները։

-Բահրեյնը հայտարարել է, որ հակամարտության ընթացքում խոցել է մոտ 130 իրանական հրթիռ և 220 անօդաչու թռչող սարք։

-ABC-ն հաղորդել է, որ Իրանի դեմ ԱՄՆ ռազմական գործողության ընթացքում վիրավորվել է մոտ 200 ամերիկացի զինծառայող։

Լրատվական հոսքի ամփոփումը՝ ՏԱՍՍ-ից։