Թրամփն ԱՄՆ ժողովրդին խոստացել է Իրանին վերադարձնել «քարե դար»

Թրամփը խոստացել է «ուժեղ հարված հասցնել» և Իրանին վերադարձնել «քարե դար»։ Ազգին ուղղված հեռուստաուղերձում ԱՄՆ նախագահը հայտարարեց, որ ամերիկյան զինված ուժերը մոտ են Իսլամական Հանրապետության դեմ պատերազմում իրենց նպատակներին լիարժեք հասնելուն, և որ պատերազմը շուտով կավարտվի։ Հայտնում է «Դոյչե Վելե»-ն։

«Մենք ամեն ինչ արել ենք դա իրականացնելու համար։ Նրանց նավատորմը ոչնչացված է։ Նրանց ռազմաօդային ուժերը ոչնչացված են։ Նրանց հրթիռները գրեթե սպառվել են կամ շարքից դուրս են եկել։ Այս ամենը միասին կխաթարի իրանական բանակը, կզրկի նրանց ահաբեկչական խմբավորումներին աջակցելու և միջուկային ռումբ ստեղծելու ունակությունից», - հայտարարեց Թրամփը։

«Մենք նրանց չափազանց ուժեղ հարվածելու ենք առաջիկա երկու-երեք շաբաթվա ընթացքում։ Մենք նրանց վերադարձնելու ենք քարե դար, որտեղ նրանք պետք է լինեն», - հավելեց նա։

Սպիտակ տան ղեկավարը նաև հայտարարեց, որ Իրանում ռեժիմի փոփոխությունը ԱՄՆ նպատակը չէր, բայց դա տեղի ունեցավ, քանի որ, ըստ Թրամփի, Իսլամական Հանրապետության բոլոր նախկին առաջնորդները մահացել են։