Այսօր մենք կքննարկենք, թե ինչպես լավագույնս համագործակցել Հայաստանի, Ադրբեջանի և Թուրքիայի հետ. Մարթա Կոս

Այսօր մենք տեսնում ենք, թե որքան կարևոր և ճիշտ էր Եվրոպական հանձնաժողովի կողմից Սևծովյան նոր ռազմավարությունը մեկնարկելու որոշումը։ Այս ռազմավարության մի մասը կապվածության օրակարգն է։ Լյուքսեմբուրգում ԵՄ արտաքին գործերի նախարարների հանդիպումից առաջ այդ մասին ասել է ընդլայնման հարցերով եվրահանձնակատար Մարթա Կոսը։

Նրա խոսքով՝ այսօրվա հանդիպմանը կքննարկվի, թե ինչպես ավելի լավ համագործակցել Հարավային Կովկասի երկրների հետ։

«Կապվածության օրակարգի միջոցով մենք ընդլայնվում ենք Հայաստանում, Ադրբեջանում և Թուրքիայում։ Մենք ցանկանում ենք ավելի լավ կապել Եվրոպան Կենտրոնական Ասիայի հետ։ Խոսքը առևտրի և էներգետիկայի մասին է։ Մենք տեսնում ենք, թե որքան խոցելի ենք այսօր, երբ հյուսիսում առևտրային ուղիները խաթարվում են Ռուսաստանի կողմից, իսկ հարավում՝ Իրանի պատերազմով։ Հետևաբար, այն երթուղին, որն այժմ հասանելի է, հենց այն է, ինչ մենք դիտարկում ենք որպես կապվածության օրակարգի մաս։ Այսօր մենք կքննարկենք, թե ինչպես լավագույնս համագործակցել Հարավային Կովկասի երկրների հետ, հատկապես իմ նշած երեք երկրների՝ Հայաստանի, Ադրբեջանի և Թուրքիայի հետ, որտեղ մենք արդեն ունենք կոնկրետ նախագծեր, որոնցից կարող ենք սկսել»,-ասել է Մարթա Կոսը։