Ինչի՞ց պետք է ամաչեմ. Մարգարիտա Սիմոնյանը հրաժարվել է կեղծամից

«Россия сегодня» մեդիա խմբի և RT հեռուստաալիքի գլխավոր խմբագիր Մարգարիտա Սիմոնյանը «Դուք չեք հավատա» հաղորդման ժամանակ NTV լրագրողներին ասել է, որ որոշել է հրաժարվել կեղծամ կրելուց։

Սիմոնյանը շարունակում է քաղցկեղի բուժումը և արդեն մի քանի քիմիաթերապիա է անցել։

«Կեղծամները շատ անհարմար էին։ Քրտնում է և քոր է գալիս։ Ինչո՞ւ անհանգստանալ։ Ես պարզապես դադարեցի դրանք կրել, և վերջ։ Իմ մազերը հիմա նորից աճել են, իսկ ձմռանը ես լիովին ճաղատ էի։ Ինձ ընդհանրապես չէր հետաքրքրում։ Դե, ճաղատը ճաղատ է», - ասել է նա։

Հեռուստահաղորդավարուհու խոսքով՝ շրջապատի մարդիկ չեն հասկանում նրա որոշումը։

«Երբեմն մարդիկ ինձ հարցնում են՝  չե՞ս ամաչում»։ Ես սիֆիլիս ունե՞մ։ Ինչի՞ց պետք է ամաչեմ։ Ես քաղցկեղ ունեմ։ Ես ոչ մի վատ բան չեմ արել, որ այն ձեռք եմ բերել»,-ասել է Սիմոնյանը։