Էլոն Մասկի X-ը գործարկել է XChat մեսենջերը. Ի՞նչ է այն խոստանում, և ի՞նչ մտահոգություններ ունեն փորձագետները

Էլոն Մասկի X սոցիալական ցանցը պաշտոնապես գործարկել է իր XChat մեսենջերը։  Forbes-ը գրում է, որ XChat-ը հույս ունի մրցակցել WhatsApp-ի և Signal-ի հետ՝ iOS և Android համակարգերի համար իր սեփական ծայրից ծայր կոդավորված հավելվածով:

XChat-ի iOS հավելվածի թողարկումը նախատեսված է ապրիլի 27-ին, որը թույլ կտա ձեզ օգտագործել X-ի ուղիղ հաղորդագրությունների ծառայությունը, եթե ունեք հաշիվ: Android-ի համար թողարկման ամսաթիվը դեռևս նշանակված չէ։

XChat-ից օգտվողների համար խոստանում են

 – Ամբողջական կոդավորում՝ նույնիսկ X-ը չի տեսնի ձեր բովանդակությունը։

– Ներկառուցված Grok՝ ձեր զրույցներում մեջ արհեստական ​​բանականության օգնական։

– Էկրանից նկարներ անելն արգելված է, զրույցի ձայնագրությունները անջատված են, և դուք կարող եք գաղտնի զրույց ստեղծել ցանկացածի հետ։

– Անհետացող հաղորդագրությունների հնարավորություն՝ ջնջվում են 5 րոպե անց։

 – Գովազդ չկա։

 – Հեռախոսահամար չպահանջող աուդիո և տեսազանգեր։

 – Փաստաթղթերի, լուսանկարների, տեսանյութերի և ֆայլերի ուղարկում։

– Խմբային զրույցներ մինչև 500 մարդու համար։

 – Գրանցումը X հաշվի միջոցով՝ հեռախոսահամար չի պահանջվում։

 – Հաղորդագրությունների ջնջում զրույցի բոլոր մասնակիցների համար։
 

Արդյո՞ք XChat հավելվածն անվտանգ է գաղտնիության և անվտանգության տեսանկյունից։ Forbes-ը գրում է, որոշ մասնագետներ ասում են՝ ոչ։ Տեղեկատվական անվտանգության ոլորտի փորձագետ Թոմի Միսկը X-ում տեղադրել է Apple-ի iOS գաղտնիության պիտակը՝ մանրամասն նկարագրելով XChat-ի կողմից հավաքվող տեղեկատվությունը։

«Գովազդ չկա։ Հետևում չկա։ Լիովին կոդավորված է ծայրից ծայր։ Բայց այն հավաքում է այս բոլոր տվյալները», - գրել է նա։

Ի՞նչ տվյալներ է հավաքում XChat-ը, և ինչպե՞ս են դրանք ազդում գաղտնիության վրա։

«XChat-ը պահանջում է X-ում առկա հաշիվ, ուստի ձեր ինքնությունը, սարքի տեղեկատվությունը, IP հասցեն և վարքագծի պատմությունը մայր հարթակում «արդեն գրաֆիկի մաս են կազմում նախքան ձեր առաջին հաղորդագրությունը ուղարկելը», - ասել է Endor Labs-ի գործադիր տնօրենը և հիմնադիր Վարուն Բադհվարը։ Ըստ նրա, բանալիները գտնվում են X-ի սերվերներում։

«X-ը օգտատերերի անձնական կոդավորման բանալիները պահում է իր սեփական ենթակառուցվածքում՝ պաշտպանված չորսանիշ PIN կոդով։ X-ն ինքն է ընդունել, որ այս ճարտարապետությունը կարող է թույլ տալ «չարամիտ ներքին անձի կամ X-ին» մուտք գործել զրույցներ։ Սա ուշագրավ խոստովանություն է, և դա նշանակում է, որ ծայրից ծայր կոդավորման պնդումը կախված է X-ի քաղաքականությունից, այլ ոչ թե մաթեմատիկայից»,-նշել է նա։