Իսրայելի բանակը հայտնել է Լիբանանում իր ԶՈՒ-ի դեմ «Հեզբոլլահ»-ի նոր հարձակումների մասին

Լիբանանյան «Հեզբոլլահ» շարժումը չորեքշաբթի օրը նոր հարձակումներ է իրականացրել՝ անօդաչու թռչող սարք արձակելով հարավային Լիբանանում գտնվող իսրայելական ուժերի վրա և արկեր նետելով հյուսիսային Իսրայելի վրա։ Այդ մասին հայտնել է Իսրայելի պաշտպանության ուժերի (IDF) մամուլի քարտուղարը։

Չորեքշաբթի օրը ավելի վաղ Իսրայելի հյուսիսում բազմիցս հնչել են օդային հարձակման ազդանշաններ։

«Հյուսիսային Իսրայելի մի քանի շրջաններում ազդանշանների հնչյուններից հետո Լիբանանից դեպի Իսրայելի տարածք արձակված երկու արկ է հայտնաբերվել։ Մեկ արկը որսացվել է, իսկ մյուսը ընկել է բաց տարածքում», - հայտարարել է բանակի մամուլի ծառայությունը։

Ըստ Իսրայելի պաշտպանության բանակի՝ Մետուլա շրջանում կարճ ժամանակ առաջ միացել է օդային հարձակման ազդանշան՝ «Հեզբոլլահ» անօդաչու թռչող սարքի հայտնաբերումից հետո։

«Մետուլա տարածքում թշնամու անօդաչու թռչող սարքի ներթափանցման մասին նախազգուշացնող ազդանշանից հետո, որսացող սարքը արձակվել է կասկածելի օդային թիրախի ուղղությամբ, որը հայտնաբերվել է այն տարածքում, որտեղ Իսրայելի պաշտպանության բանակի ուժերը գործողություններ են իրականացնում՝ այսինքը հարավային Լիբանանում։ Որսացող սարքի արդյունքները ստուգվում են», -հայտնել է Իսրայելի պաշտպանության բանակի մամուլի ծառայությունը։

Լիբանանի նախագահ Ջոզեֆ Աունը երկուշաբթի օրը հայտարարել է, որ կառավարությունը պատրաստ է շարունակել Իսրայելի հետ ուղիղ բանակցությունները՝ լիակատար հրադադարի պայմանով՝ նշելով, որ կառավարությունը չի բանակցելու կապիտուլյացիայի կամ զիջումների դիրքերից, որոնք խաթարում են երկրի ինքնիշխանությունը։ Աունը մեղադրել է «Հեզբոլլահին» Լիբանանը զինված հակամարտության մեջ ներքաշելու մեջ՝ տարածաշրջանի այլ պետությունների շահերից ելնելով։ Իր հերթին, «Հեզբոլլահի» գլխավոր քարտուղար Նաիմ Քասիմը կոչ է արել դադարեցնել ուղիղ բանակցությունները՝ ընդգծելով, որ շիական դիմադրությունը կշարունակի պայքարել Իսրայելի դեմ մինչև ամբողջ երկրի ազատագրումը։