Քաղաքապետարանը վերահսկում է տոմսերը, բայց չի հսկում ավտոբուսների վիճակը

Քիչ առաջ Panorama.am-ի թղթակիցն ականատես եղավ, թե ինչպես ճանապարհին փչացած ավտոբուսից իջած 10-13 ուղևորներ ստիպված վճարեցին մեկ այլ ավտոբուսից օգտվելու համար:

Իհարկե, անսարք ավտոբուսին համար վճարած գումարը քաղաքացիներին չվերադարձրեցին: Ստացվեց, ուղևորը ոչ իր մեղքով ճանապարհածախսի համար վճարեց կրկնակի գումար:

Լավ կլինի, որ քաղաքապետարանը պատշաճ վերահսկի նաև ավտոբուսների վիճակը, որոնք աշխատում են գերծանրաբեռնված` տեղափոխելով անհամեմատ ավելի շատ մարդ, քան նախատեսված է: