Թրամփը պատրաստվում է մերժել ԱՄՆ-ի խաղաղության առաջարկի վերաբերյալ Իրանի պատասխանը

ԱՄՆ նախագահ Դոնալդ Թրամփը մտադիր է մերժել Վաշինգտոնի խաղաղության առաջարկին Իրանի պատասխանը։ Նման լուր է տարածել Axios-ը։

«Նախագահ Թրամփը կիրակի օրը Axios-ի հետ կարճատև հեռախոսազրույցի ժամանակ հայտարարել է, որ մերժելու է պատերազմը դադարեցնելու վերջին նախագծի համաձայնագրին Իրանի պատասխանը»,-նշվում է հոդվածում։

Ամերիկացի առաջնորդը հավելել է, որ Իրանի պատասխանը քննարկել է Իսրայելի վարչապետ Բենիամին Նեթանյահուի հետ զրույցի ժամանակ։

«Ինձ դուր չի գալիս նրանց նամակը։ Այն անտեղի է։ Ինձ դուր չի գալիս նրանց պատասխանը»,- Թրամփի խոսքերը մեջբերում է պարբերականը։

Նախորդ երեկոյան ԱՄՆ նախագահը հակամարտության կարգավորման առաջարկին Իրանի արձագանքը անվանել էր բացարձակապես անընդունելի։

Կիրակի օրը IRNA-ն հաղորդել է, որ Իրանը ներկայացրել է Պակիստանի կողմից ԱՄՆ-ի հակամարտությանը վերջ դնելու ԱՄՆ-ի առաջարկին պատասխան։ ISNA-ի տվյալներով՝ փաստաթուղթը կենտրոնանում է պատերազմի ավարտի և Պարսից ծոցում ու Հորմուզի նեղուցում նավագնացության անվտանգության ապահովման վրա։

Մայիսի 3-ին ԱՄՆ-ն Պակիստանին էր ուղարկել Իրանի առաջարկին 14 կետից բաղկացած պատասխան։