Շատ էին խոսում խաղաղության և ձեռքբերումների մասին, բայց ի վերջո հասան Ռուսաստանի հետ հարաբերություններում տնտեսական ճգնաժամի. Ծառուկյան

«Մենք կանգնած ենք տնտեսական անդունդի եզրին»,-Վանաձորում երթի ժամանակ ասաց «Բարգավաճ Հայաստան» կուսակցության առաջնորդ Գագիկ Ծառուկյանը՝ անդրադառնալով Հայաստանի  և ԵԱՏՄ-ի հետ  հարաբերությունների ներկայիս խնդիրները։

Նա կարծիք հայտնեց, որ տնտեսությունը գտնվում է լուրջ ճգնաժամի շեմին։

«Իսկ տնտեսությունն այն է, ինչ պահում է երկիրը և կերակրում ժողովրդին։ Եթե այն կործանվի, ի՞նչ կլինի հետո։ Ո՞վ է պահելու մարդկանց։ Ո՞վ է մարելու վարկերը։ Մարդիկ կարող են կորցնել իրենց ամբողջ գույքը»,-ասաց Գագիկ Ծառուկյանը։

Ըստ նրա՝ տնտեսությունը չի լինում իշխանամետ կամ ընդդիմադիր, ռուսամետ կամ արևմտամետ, այն կա՛մ զարգանում և գործում է, կա՛մ սկսում է քայքայվել և շատ արագ փլուզվել։

Անդրադառնալով այլընտրանքային շուկաների և առևտրի ուղղությունների մասին Փաշինյանի հայտարարությանը՝ Ծառուկյանը ասաց. «Խոսում են ինչ-որ այլընտրանքների մասին։ Բայց նման գործընթացները մեկ օրում և անգամ մեկ տարում չեն արվում։ Նոր շուկա բացելու համար տարիներ են պետք՝ գնորդներին ծանոթացնելու ապրանքին, պայմանագրեր կնքելու, պահանջարկ ձևավորելու, մատակարարումների ծավալները կարգավորելու համար։ Պետք է հասկանալ, թե ընդհանրապես ինչպես է աշխատում տնտեսությունը...

Շատ էին խոսում խաղաղության և ձեռքբերումների մասին, բայց ի վերջո հասան Ռուսաստանի հետ հարաբերություններում տնտեսական ճգնաժամի։ Իսկ տնտեսական ճգնաժամը ունակ է կործանելու մնացած ամեն ինչ...։

Ես այդ մասին նախօրոք ասել էի՝ մտածեք, որոշումներ ընդունեք, մտածեք մարդկանց մասին։ Տնտեսությունը խաղալիք չէ»։