Ղազախստանի նախագահը շնորհավորել է Փաշինյանին

Ղազախստանի նախագահ Կասիմ-Ժոմարտ Տոկաևը շնորհավորական ուղերձ է հղել  Նիկոլ Փաշինյանին՝ խորհրդարանական ընտրություններում «Քաղաքացիական պայմանագիր»  կուսակցության հաղթանակի կապակցությամբ: 

Ուղերձում, մասնավորապես նշվում է, որ միջազգային դիտորդների մեծամասնության նախնական տվյալների համաձայն՝ ընտրություններն անցկացվել են երկրի գործող ընտրական օրենսդրությանը համապատասխան, բաց և քաղաքացիների ազատ կամարտահայտման համար անհրաժեշտ բոլոր պայմանների ապահովմամբ:

Կասիմ-Ժոմարտ Տոկաևը Նիկոլ Փաշինյանին մաղթել է հետագա հաջող աշխատանք՝ ուղղված Հայաստանի երկարաժամկետ ազգային շահերի իրականացմանը:

Կասիմ-Ժոմարտ Տոկաևը նշել է, որ Ղազախստանը պատրաստ է շարունակել ակտիվ համագործակցությունը բարեկամ Հայաստանի հետ փոխադարձ հետաքրքրություն ներկայացնող բոլոր ոլորտներում։

Նա հայ ժողովրդին մաղթել է հաջողություններ իր երկրի զարգացման գործում, հանգստություն և բարգավաճում։