Կիևյան կամրջում հանկարծ եթե ասֆալտի մասով հարց ունեցանք, էլի գումար չենք տալու. Տիգրան Ավինյան

«Էդ ծավալի աշխատանքից հետո մենք այնուամենայնիվ արձանագրում ենք, որ ասֆալտի հարթությունը, որակը, հատկապես դիտահորերի հատվածներում ունենք խնդիրներ»«- Երևանի քաղաքապետարանի գործակարգավարական նիստի ժամանակ ասաց քաղաքապետ Տիգրան Ավինյանը՝ անդրադառնալով Ավետ Ավետիսյան փողոցում կատարված աշխատանքները՝ դրանք որակելով ֆունդամենտալ  և խորքային։

Ավինյանը, նկատելով, որ այդ աշխատանքը դեռևաս չեն ընդունել՝ հայտարարեց, որ կապալառուները պետք է հասկանան, որ նման ծավալի աշխատանքներն անելուց հետո ասֆալտապատումը պետք է լինի իդեալական։

«Այստեղ պարտադիր չէ, որ մենք մի քանի անգամ ասենք՝ ժողովուրդ ջան, ինչ-որ բան շտկեք, որովհետև ի սկզբանե մեր պահանջն էդ ծավալի աշխատանք անելուց էն ա, որ վերջում, վերջին կետերը, որ պետք է դրվեն, դա իդեալական հարթության և որակի ասֆալտն է»,-ասաց Ավինյանը՝ շարունակելով.

«Ի սկզբանե էս հատվածը բոլորին պետք է գրագետ կոմունիկացնեք։ նույնը վերաբերում է մեր բոլոր մնացած աշխատանքներին»

 Ավինյանը հայտարարեց, թե Կիևյան կամրջում ահռելի ծավալի գործ են անում և հենց կամուրջի մասով մասնագետներ կան։

«Հանկարծ եթե ասֆալտի մասով հարց ունեցանք, էլի գումար չենք տալու»,- ասաց Ավինյանը՝ նշելով, որ այն ամենակարևոր դետալն է։