Մտավախություն ունեմ, որ իշխանությունները շրջիկ խմբերով կփորձեն քվեարկության արդյունքները խեղաթյուրել. Գյումրու քաղաքապետի թեկնածու

«Մտավախություն ունեմ, որ իշխանությունները շրջիկ խմբերով փորձելու են քվեարկության արդյունքները խեղաթյուրել»,- լրագրողների հետ զրույցում ասաց «Մայր Հայաստան» դաշինքի Գյումրու քաղաքապետի թեկնածու Կարեն Սիմոնյանը։

Նա համոզված է, որ եթե ընտրակեղծիքներ չլինեն, այսօր 22։00-ին բոլորով ծափ են  տալու, շամպայն են բացելու և շնորհավորելու միմյանց։

Կարեն Սիմոնյանը նշեց, թե չի հավատում, որ ՔՊ-ի թեկնածու Սարիկ Մինասյանը 10 տոկոսից ավելի քվե ունի. «Դրանից 9.7 տոկոսն էլ վարչական ռեսուրսի չարաշահումն է»։