Մեր պատմության վատագույն ընտրություններից մեկն է, տարբեր տեսակի ռեսուրսների կիրառման, ճնշումների ենք ականատես եղել. Դիտորդ

«Մեր պատմության վատագույն ընտրություններից մեկն է, տարբեր տեսակի ռեսուրսների կիրառման, ճնշումների ենք ականատես եղել»,- լրագրողներին ասաց Գյումրիում «ՀայաՔվեի»  դիտորդական առաքելության նրկայացուցիչ Ցոլակ Ակոպյանը։

Նա նշեց, որ ամենատարածված խախտումներից մեկը մարդկանց, վարչական ռեսուրսի կիրառմամբ, քվեարկության բերելն է. «Տարեց մարդկանց հատուկ մեքենաներով բերում էին ընտրատեղամաս։ Գրթե բոլոր տեղամասերում նկատել ենք, երբ ՔՊ վստահված անձը թվերով ցուցակ է ունեցել ձեռքին, ակնհայտ նկատում ես՝ ում ճանաչում է,  ժպիտով է դիմավորում ու նշան է դնում»։