Այս պահին ես որևէ մտահոգիչ տվյալ չունեմ. Պաշտպանության փոխնախարար

«Սահմանին իրավիճակը համեմատաբար կայուն է, և այս պահին ես որևէ մտահոգիչ տվյալ չունեմ»,-  ԱԺ-ում լրագրողներին ասաց ՀՀ պաշտպանության փոխնախարար Արման Սարգսյանը։

Հարցին՝ արդյո՞ք պաշտպանության նախարարությունը գնահատել է Սյունիքի վրա հարձակման հնարավորությունը՝ հաշվի առնելով հարևան Իրանում տեղի ունեցող դեպքերը, Ա Սարգսյանն ասաց. «Բնականաբար, տարածաշրջանում յուրաքանչյուր էսկալյացա պետք է անհնագստություն պատճառի բոլորիս։  Նախարարությունը հետևում է իրադարձություններին»։

Պատասխանելով հարցին՝ ինչպե՞ս է Հայաստանը պաշտպանվելու, փոխնախարարն ասաց. «Հայաստանը  պաշտպանվելու է իր  հնարավորությունների, կարողությունների, ամբողջ ներուժի չափով, եթե դրա կարիքը լինի։ Սակայն Հայաստանը պետք է ամեն ինչ անի քաղաքական առումով՝ տարածաշրջանում էսկալյացիոն դեպքեր չլինեն»։