Տրանսպորտային անվճար երթևեկության ժամանակն ավարտվում է, չվճարողները կտուգանվեն. Ավինյան

«Հարգելի քաղաքացիներ, անվճար տրանսպորտային երթևեկության ժամանակն ավարտվում է։ Հատուկ ուզում եմ նախազգուշացնել, որ հետո մեծ բողոքները չլինեն, թե ինչու այսպես եղավ»,-  Երևանի քաղաքապետարանի գործակարգավարական նիստում ասաց քաղաքապետ Տիգրան Ավինյանը:

Նա հայտարարեց, որ վաղը ԱԺ արտահերթ նիստում քննարկվելու է օրենսդրական փաթեթ է, որով նախատեսվում է հստակ տուգանք՝ տրանսպորտային միջոցից օգտվելիս չվճարելու համար։

«Որոշ ժամանակ մենք տեղեկատվական արշավը կիրականացնենք, ինչ որ մի փուլից կտուգանվեն այն մարդիկ, ովքեր չեն վճարիտրանսպորտից օգտվելու համար»,- ասաց Տ.Ավինյանը։