Ամենից շատ կարդացված նյութեր
.jpg "«Ժողովուրդ». Իշխան Սաղաթելյանը երկուշաբթի գիշերը մեկնել է Մոսկվա")
«Ժողովուրդ» թերթը գրում է.
«ՀՅԴ Գերագույն մարմնի ներկայացուցիչ Իշխան Սաղաթելյանը երկուշաբթի գիշերը մեկնել է Մոսկվա։ «Ժողովուրդ» օրաթերթի տեղեկություններով՝ նա անխոչընդոտ հատել է սահմանը և հասել է ՌԴ մայրաքաղաք։ Լուրը մեզ հետ զրույցում հաստատեց նաև անձամբ Իշխան Սաղաթելյանը՝ նշելով, որ շուտով կվերադառնա. «Աշխատանքային այցով, այո, Մոսկվայում եմ, բայց շուտով վերադառնալու եմ, անհոգ եղե՛ք»,- փոխանցեց պատգամավորը:
Հիշեցնենք, որ Սաղաթելյանի մեկնումը տեղի է ունենում քաղաքական լարված փուլում. իշխանական շրջանակում բացահայտ խոսում են նրան կալանավորելու մտադրության մասին։ Ըստ մեր տեղեկությունների՝ իրավապահ համակարգը Սաղաթելյանին պատրաստվում է մեղադրել «Սրբազան շարժմանը» աջակցելու համար, իսկ վարչապետ Փաշինյանը ենթադրաբար SMS հաղորդագրությամբ արդեն հանձնարարել է մինչև ԱԺ ամառային արձակուրդների սկսվելը՝ հուլիսի 15-ից առաջ, նրան կալանավորել։
Բացի դրանից, «Ժողովուրդ» օրաթերթին հասած տվյալների համաձայն, ՀՅԴ գրասենյակներում ևս հանձնարարված է խուզարկություններ իրականացնել, և հնարավոր է՝ նոր դաշնակցականներ ևս կալանավորվեն։
Ինչ վերաբերում է պատգամավոր Գառնիկ Դանիելյանին, ապա Դատախազությունը քննարկում է նրան անձեռնմխելիությունից զրկելու հարցը, սակայն ՔՊ քաղաքական թևում կալանքը քիչ հավանական են համարում»։
Մանրամասները թերթի այսօրվա համարում։
Studio One