Վիգեն Էուլջեքչյանի կինն արձագանքել է իր պարը քննադատողներին. Այս բոլոր տառապանքներից հետո մենք իրավունք ունենք տոնելու

Բաքվի գերությունից վերադարձած Վիգեն Էուլջեքչյանն ու կինը՝ Լինդան երեկ ուրախ երեկո են անցկացրել երևանյան հայտնի ակումբներից մեկում՝ Նաիրի ու Հայկ Սարգսյանների ու նրա կնոջ ընկերակցությամբ։ Լինդան սոցցանցերում հրապարակել է, թե ինչպես է անցկացնում ժամանակը՝ «Habibi» երգի ներքո պարելով ամուսնու համար։

Ըստ երևույթին նրան քննադատողներ են եղել։ Լինդան սոցցանցի իր էջերում գրել է.

«Բոլոր նրանց, ովքեր ինձ քննադատում են ամուսնուս հետ երջանիկ լինելու համար, կարծում եմ, որ այդ մարդը երբեք չի սիրել ինձ կամ ամուսնուս։ Ես տեսնում էի, թե ինչպես էին բոլորն առիթներ տոնում, մինչ մենք գնում էինք քնելու՝ լաց լինելով բարձի վրա։ Ես ոչ մեկին չեմ հարցրել,  թե ինչու են նրանք տոնում։

 Ինձ համար այսօր ամուսինս և ես վերածնվել ենք, և այս բոլոր տառապանքներից հետո մենք իրավունք ունենք տոնելու։

Ես երջանիկ եմ, և նաև ասում եմ, որ հուսով եմ՝ բոլորը կվերադառնան իրենց ընտանիքներ։ Ձեր կոպիտ խոսքերը օգտակար չեն, որովհետև Բիգենը տեսնում և կարդում է դրանք, և ես ուզում եմ, որ նա երջանիկ լինի աշխարհի ողջ սիրով։

Մենք տոնում ենք հանրային վայրում. եթե ես չհրապարակեմ, ինչ-որ մեկը կհրապարակի։ Ես սիրում եմ ձեզ բոլորիդ և շնորհակալություն եմ հայտնում բանտարկյալների համար ձեր արածի համար»։