«Առողջության իրավունք» ՀԿ-ն պաշտոնապես դիմել է ՀՀ Մարդու իրավունքների պաշտպանին. Անուշ Պողոսյան

«Առողջության իրավունք» ՀԿ-ի նախագահ Անուշ Պողոսյանը գրում է.

«Սիրելի բժիշկներ,

Վերջին ամիսների ընթացքում բազմիցս արձանագրվել են բժիշկների անհատական լիցենզավորման համակարգի կիրառման ընթացքում առաջացած լուրջ իրավական, կազմակերպչական և մասնագիտական խնդիրներ, որոնք կարող են հանգեցնել ինչպես բժշկական համայնքի իրավունքների խախտմանը, այնպես էլ բնակչության համար որակյալ բուժօգնության հասանելիության սահմանափակմանը։

Մասնավորապես՝

Գործող կարգավորումները պարունակում են թափանցիկության բացակայություն և իրավական անորոշություն,

Չկան հստակ և հանրամատչելի չափորոշիչներ քննությունների և գնահատման վերաբերյալ,

Բժիշկներից պահանջվող փաստաթղթերը չափազանց բյուրոկրատական է և անհամաչափ բեռ է ստեղծում՝ նաև ֆինանսական

ՇՄԶ համակարգը ներկայիս տեսքով չի ապահովում մասնագիտական իրական զարգացում,

2027 թվականից անհատական լիցենզիայի պարտադիր պահանջի ամբողջական կիրառումը կարող է հանգեցնել բազմաթիվ բժիշկների մասնագիտական գործունեության փաստացի սահմանափակման։

Այս պայմաններում արձանագրվում է մարդու իրավունքների խախտման ռիսկեր, մասնավորապես՝

աշխատանքի իրավունքի,

մասնագիտական գործունեության ազատության,

արժանապատիվ աշխատանքի պայմանների իրավունքի,

քաղաքացիների՝ որակյալ բուժօգնություն ստանալու իրավունքի տեսանկյունից։

Հաշվի առնելով վերոգրյալը՝

«Առողջության իրավունք» ՀԿ-ն պաշտոնապես դիմել է ՀՀ Մարդու իրավունքների պաշտպանին՝ խնդրելով ուսումնասիրել գործող կարգավորումների համապատասխանությունը մարդու իրավունքների չափանիշներին,արձանագրել առկա խախտումները, ներկայացնել իրավական գնահատական և առաջարկություններ իրավասու մարմիններին։

Միաժամանակ կոչ եմ անում բժշկական համայնքին լինել տեղեկացված, արտահայտել կարծիքներ , քանի որ խնդիրը վերաբերում է յուրաքանչյուր բժշկին և յուրաքանչյուր քաղաքացուն։