Հայրը որպես «զոհաբերություն» ԱՄՆ-ում դшնակшհարել է իր երեք ամսական երեխայի որովայնը

ԱՄՆ-ում մի տղամարդ դանակով հարձակվել է իր երեք ամսական որդու վրա՝ մտադրվելով զոհաբերել նրան։ Դեպքի մասին հայտնել  New York Post-ը։

44-ամյա Մայքլ Ֆիլիպսը, որը հարևանների կողմից համարվում է հանգիստ և հարգված հայր, ձերբակալվել է Փենսիլվանիայում։ Նա կասկածվում է իր երեք ամսական որդու վրա զենքով դաժանորեն հարձակվելու մեջ։

«Ինձ համար զարմանալի է, քանի որ նա շատ լավ տղա էր թվում»,-լրագրողներին ասել է Ֆիլիպսի հարևաններից մեկը՝ Էդվարդ Ռիվերսը։

Ըստ շրջանային դատախազի գրասենյակի՝ չորեքշաբթի՝ փետրվարի 11-ին, Ֆիլիպսը մի քանի անգամ փորձել է դանակահարել իր կրտսեր որդուն, բայց միայն մեկ անգամ է կարողացել վիրավորել նրան որովայնը։

Սարսափահար մայրը վերցրել է վիրավոր երեխային և փախել տնից։ Նրա ինը տարեկան ավագ որդին վազել է օգնություն խնդրելու, իսկ Ֆիլիպսը դուրս է վազել կնոջ հետևից, նրա գրկից խլել երեխային և նետել ձյան մեջ։

Ոստիկանության և շտապօգնության աշխատակիցների ժամանմանը սպասելիս մայրը պաշտպանել է իր երեխային՝ հետագա վնասվածքները կանխելու համար։ Տղան հոսպիտալացվել է ծանր վիճակում։

Ֆիլիպսը կալանավորվել է մի քանի ծանր հանցագործությունների մեղադրանքով։ Նա պահվում է Չեստեր շրջանի բանտում՝ առանց գրավի ազատ արձակման իրավունքի։