Քաղաքապետարանը գերակատարել է եկամուտները չավարտված շենքերի գույքահարկերից ստացած գերավճարներով, որը պետք է հետ վերադարձնի

«Սույն թվականի հունվար-փետրվարին 12.9 մլրդ սեփական եկամուտներից փաստացի հավաքագրվել է 14.5 մլրդ դրամ, գերակատարումը ավելի քան 1.5 մլրդ դրամ է»,-քաղաքապետարանի գործակարգավարական նիստի ժամանակ զեկուցեց Եկամուտների հաշվառման և գանձման վարչությանը պետի պաշտոնակատար Դավիթ Հակոբյանը։

Նա նշեց, որ սեփական եկամուտները հիմնականում ապահովվել են անշարժ գույքի հարկից (23%), շինթուլտվություններից (16%), փոխադրավարձից (15%) և աղբահանությունից (9 %)։

«Գերակատարումն հիմնականում ապահովվել է չավարտված բազմաբնակարան բնակելի շենքերի համար անշարժ գույքի հարկի վճարումներով»,-հայտնեց Հակոբյանը՝ նշելով, որ նախորդ տարվա համեմատ սեփական եկամուտների աճը կազմել է 3.7 մլրդ դրամ։

Ավինյանը հետաքրքրվեց, թե ինչ գործընթացի մեջ է ավագանու կողմից ընդունած որոշմամբ չավարտված շենքերի համար գույքահարկի դրույքաչափի զեղչման ծրագրի իրականացումը։

 Հակոբյանն ասաց, որ Կադաստարի կոմիտեի հետ քննարկում են ծրագիրը, որի արդյունքում կրկին գերավճարներ կարող են առաջանալ քաղաքապետարանի բյուջեում։