Ամենից շատ կարդացված նյութեր
.jpg "ԱԺ-ն արտահերթ նիստում քննարկում է ՔՊ-ականների նախագիծը, որով կարգելվի կուսակցությունների դաշինքների կողմից անձնանունների կիրառումը")
ԱԺ-ն արտահերթ նիստում քննարկում է ՔՊ-ականների նախագիծը, որով կարգելվի կուսակցությունների դաշինքների կողմից անձնանունների կիրառումը
Ազգային ժողովի խորհուրդն ապրիլի 7-ին գումարել է արտահերթ նիստ: ԱԺ խորհուրդը համաձայնություն է տվել այսօր նախաձեռնողի սահմանած օրակարգով եւ ժամկետում Ազգային ժողովի արտահերթ նիստ գումարելուն:
Օրակարգում է ՔՊ-ականներ Արուսյակ Ջուլհակյանի, Ալխաս Ղազարյանի, Արթուր Հովհաննիսյանի նախաձեռնած «ՀՀ Ընտրական օրենսգիրք» սահմանադրական օրենքում լրացումներ եվ փոփոխություններ կատարելու մասին նախագիծըմ որը պետք է քննարկվի 24–ժամյա ռեժիմով։
Նախագծում, ի թիվս այլ լրացումների ու փոփոխությունների, նաև առաջարկվում է. «Կուսակցությունների դաշինքի անվանումը չի կարող պարունակել անձնանուն, պետական և տեղական ինքնակառավարման մարմինների անվանումներ կամ դրանց շփոթելու աստիճան նման անվանումներ և (կամ) դրանց հոլովաձեւեր: Կուսակցությունների դաշինքի անվանումը չի կարող պարունակել վիրավորական կամ զրպարտչական բնույթի բառեր կամ այլ արտահայտություններ:»:
Ըստ նախագծի, առաջարկվող փոփոխությունն ուղղված է Օրենսգրքի ներքին համակարգայնության, իրավական որոշակիության և արդեն իսկ գործող կարգավորումների միջեւ ներդաշնակության վերականգնմանը:
Studio One