Զելենսկին 2022-ի բանակցությունների ժամանակ «համաձայնել է հրաժարվել» Դոնբասից. Զելենսկու նախկին մամուլի քարտուղար

Ուկրաինան համաձայնել էր զիջել Դոնբասը 2022 թվականին Ստամբուլում Ռուսաստանի հետ բանակցությունների ժամանակ։ Այս մասին հայտարարել է Ուկրաինայի նախագահ Վլադիմիր Զելենսկու նախկին մամուլի քարտուղար Յուլիա Մենդելը ամերիկացի լրագրող Թաքեր Կարլսոնի հետ հարցազրույցում։

«Ես խոսել եմ այն ​​մարդկանց հետ, ովքեր ներկայացրել են Ուկրաինան 2022 թվականին Ստամբուլի բանակցություններում… Եվ նրանք մանրամասն բացատրեցին ինձ, որ համաձայն են ամեն ինչի հետ։ Ավելին, և շատ կարևոր է, նրանք ասացին, որ Զելենսկին անձամբ համաձայնել է հանձնել  Դոնբասը», - ասել է նա։

Մենդելի խոսքով, Զելենսկին համաձայնել է հրաժարվել տարածքից, քանի որ դա կնշանակեր պատերազմի ավարտ։

«Եվ հիմա նա կանգնած է միլիոնավոր մարդկանց առջև և ասում. «Ես չեմ կարող հրաժարվել Դոնբասից»։ Տեսեք, նա հետևողական չէ։ Նա անընդհատ փոխում է իր դիրքորոշումը... Ես անձնական վրեժխնդրություն չունեմ, բայց կարծում եմ, որ Զելենսկին այսօր խաղաղության ամենամեծ խոչընդոտներից մեկն է», - հավելել է նա։